काठमाडौं । प्रतिनिधिसभाकाे बैठक अहिले जारी छ । बैठकमा प्रतिनिधिसभाका सचिव गोपालनाथ योगीले राजश्व चुहावट (अनुसन्धान तथा नियन्त्रण) पहिलो संशोधन विधेयक २०७५ का सम्बन्धमा राष्ट्रिय सभाबाट प्राप्त सन्देशको जानकारी गराउने कार्यसूची छ ।
यस्तै, नेपाल इन्जिनियरिङ परिषद् (पहिलो संशोधन) विधेयक २०७६ र संघ,प्रदेश र स्थानीय तह (अन्तरसम्बन्ध व्यवस्थापन) विधेयक २०७६ का सम्बन्धमा राष्ट्रिय सभाबाट प्राप्त सन्देशसहितको विधेयक टेबुल गरिने कार्यसूचीमा उल्लेख छ ।
प्रधानमन्त्री केपी ओलीले न्याय परिषद र न्याय सेवा आयोगको आ.व. ०७५/०७६ को वार्षिक प्रतिवेदन लगायतका प्रतिवेदन पेस गर्ने एजेन्डाहरु छन् ।
बैठकले कांग्रेसका नेता तथा प्रतिनिधिसभाका पूर्व सदस्य गम्भीरजंग कार्कीको निधनमा शोकप्रस्ताव पनि पारित गर्ने कार्यसूची छ ।
प्रकाशित मिति: शुक्रबार, माघ १७, २०७६ ०५:५२