काठमाडाैं । सरकारले सत्य निरुपण तथा मेलमिलाप आयोग र बेपत्ता पारिएका व्यक्तिको छानबिन आयोगको म्याद एक वर्ष थप गरेको छ ।
बिहीबार मन्त्रालयमा आयोजित नियमित पत्रकार सम्मेलनमा सञ्चार तथा सूचना प्रविधिमन्त्री गाेकुलप्रसाद बाँस्काेटाले मन्त्रिपरिषद्का निर्णयहरु सार्वजनिक गर्दै साे जानकारी गराएका हुन् ।
यसैगरी बैठकले विश्वविद्यालय अनुदान आयोगको रिक्त सदस्य पदमा त्रिभुवन विश्वविद्यालयका उपकुलपति प्राडा धर्मकान्त बास्कोटा र काठमाडौं विश्वविद्यालयका उपकुलपति प्राडा रामकण्ठ मकाजुलाई मनोनयन गरेको छ ।
त्यस्तै बिपी कोइराला मेमोरियल क्यान्सर अस्पताल सञ्चालन समितिको अध्यक्षमा बर्दियाका निर्मल लामिछानेलाई ३ वर्षका लागि मनोनित गरेको छ ।
हेर्नुहाेस् मन्त्रिपरिषद् बैठकका निर्णयहरूः
प्रकाशित मिति: बिहीबार, माघ १६, २०७६ ११:०३