काठमाडौं । नेपाल कम्युनिस्ट पार्टी (नेकपा) को पहिलो महाधिवेशन ०७७ को चैतमा हुने भएको छ ।
नेकपा अध्यक्षद्वय केपी शर्मा ओली र पुष्पकमल दाहाल प्रचण्डले पेस गरेकाे संयुक्त प्रतिवेदनमा २०७७ चैतमा एकतापछिको पार्टीको पहिलो महाधिवेशन गर्न प्रस्ताव गरिएकाे छ ।
राष्ट्रिय सभागृहमा जारी पार्टी केन्द्रीय समितिको दोस्रो पूर्ण बैठकमा प्रस्तुत राजनीतिक प्रतिवेदनमा ०७७ चैत २५ देखि ३० सम्म राष्ट्रिय महाधिवेशन गर्ने प्रस्ताव गरिएको छ ।
प्रतिवेदनमा २०७७ भदौदेखि मंसिरसम्म सबै स्थानीय र प्रदेश तहको अधिवेशन गरिसक्ने बताइएको छ ।
यसअघि तत्कालीन नेकपा एमालेले नवौं महाधिवेशन गरेको थियो भने तत्कालीन माओवादीले सातौं महाधिवेशन गरेको थियो ।अब हुने महाधिवेशनलाई कतिऔं भन्ने निर्णय केन्द्रीय कमिटी बैठकले नै निर्धारण गर्ने छ ।
यस्ताे छ अध्यक्षद्वयले पेस गरेकाे राजनीतिक प्रतिवेदनः
प्रकाशित मिति: बुधबार, माघ १५, २०७६ ०९:४१
