रौतहट । विप्लव नेतृत्वको नेकपाका रौतहट जिल्ला सचिवसहित २ कार्यकर्तालाई प्रहरीले पक्राउ गरेको छ ।
पक्राउ पर्नेमा चितवन जिल्ला खैरेनी नगरपालिका–१ घर भई नेकपा रौतहट जिल्ला सचिव ३४ वर्षीया सृजना शाही भनिने दिशर्नाकुमारी शाही र चन्द्रपुर–३ निवासी जिल्ला समिति सदस्य दुर्गा बल छन् ।
सचिव सृजनालाई चन्द्रपुर–३ स्थित इन्द्र थिङको घरबाट र दुर्गालाई उनैको घरबाट पक्राउ गरिएको प्रहरी नायब उपरीक्षक हेमबहादुर शाहीले जानकारी दिए ।
पक्राउ परेका दुबैलाई जनप्रतिनिधि, उद्योगी, व्यवसायी र कर्मचारीलाई डरत्रास देखाइ चन्दा असुल्ने गरेको आरोप लगाइएको छ ।
प्रकाशित मिति: मंगलबार, माघ १४, २०७६ ०७:३८