काठमाडौँ । उपसभामुख डा. शिवमाया तुम्बाहाङ्फेले पदबाट राजीनामा दिएकी छिन् ।
आज बसेको प्रतिनिधिसभाको पहिलो बैठकमा सम्बाेधन गर्दै तुम्बाहाङफेले राजीनामा दिएकाे घोषणा गरिन् । रिक्त रहेको सभामुख पदको चयनको ठोस आधार नबनेसम्म उपसभामुख पदबाट राजीनामा नदिएको उनले बताइन् ।
तुम्बाहाङफेले आफु पदमा रहेको बेलासम्म संविधान र आफ्नो धरातलमा रहेर आफ्नो भूमिका निभाएको बताउँदै सत्तारुढ दलले सभामुख पदको उम्मेदवार चयन गरेको अवस्थामा आफूले अहिलेको अवस्थामा मार्ग प्रशस्त गर्ने निर्णय गरेको जानकारी दिइन् ।
उपसभामुखले राजीनामा गरेसँगै आज दिउँसाे ४ बजे बस्ने गरी सभाकाे बैठक स्थगित गरिन् । आज बस्ने दाेस्राे बैठकमा सभामुख चयनको प्रक्रिया अघि बढ्ने छ ।
प्रकाशित मिति: सोमबार, माघ ६, २०७६ ०७:५२