काठमाडौं । उपसभामुख डा. शिवमाया तुम्वाहाम्फेले राजीनामा गर्ने भएकी छिन् । नेकपाले सभामुखकाे उम्मेदवारमा अग्नि सापकाेटालाई उठाउने निर्णय गरेपछि सभामुख निर्वाचनकाे कार्यक्रम अघि बढाउन शिवमायाले रजीनामा दिने भएकी हुन् ।
उनले संसद सचिवालयमा राजीनामा बुझाउने बताइएकाे छ । उपसभामुखले राजीनामा दिएपछि केही समय प्रतिनिधसभा नेतृत्वविहीन हुने छ । साेही कारण आजको बैठक सभाका ज्येष्ठ सदस्य महन्थ ठाकुरले सञ्चालन गर्ने छन् ।
संसद सचिवालयका प्रेस विज्ञ शेखर अधिकारीका अनुसार संसद बैठक सुरू हुनुअघि शिवमायाले राजीनामा दिने छिन् ।
प्रकाशित मिति: सोमबार, माघ ६, २०७६ ०४:४५
