विराटनगर । १ नम्बर प्रदेशका मुख्यमन्त्री शेरधन राईले ४ राज्यमन्त्री थप्दै आइतबार मन्त्रिपरिषद् विस्तार गरेका छन् ।
थपिएका राज्यमन्त्रीमा ओखलढुंगाका अम्बिरबाबु गुरुङ, इलामका रामबहादुर मगर, झापाकी जसमाया गजमेर र मोरङका विजयकुमार विश्वास छन् ।
गुरुङलाई भौतिक पूर्वाधार, गजमेरलाई सामाजिक विकास, मगरलाई कृषि तथा सहकारी र विश्वासलाई पर्यटन राज्मन्त्रीको जिम्मेवारी दिइएको छ । योसँगै प्रदेश १ को मन्त्रिपरिषद् सदस्य संख्या ९ पुगेको छ ।
प्रदेश प्रमुखको उपस्थितिमा मुख्यमन्त्री राईले नवनियुक्त राज्यमन्त्रीलाई शपथ खुवाएका छन् । उनीहरुले आइतबार नै जिम्मेवारी सम्हालेको मुख्यमन्त्रीको सचिवालयले जनाएको छ ।
प्रकाशित मिति: आइतबार, माघ ५, २०७६ ११:३२
