काठमाडाैं । संसदीय सुनुवाइ समितिबाट न्याय परिषद्का लागि सिफारिस भएका लक्ष्मीबहादुर खड्का निरालाकाे नाम अनुमाेदन भएकाे छ ।
समितिको आजको बैठकमा निरालाविरुद्धको उजुरीमाथि सुनुवाइ गर्ने तय भए पनि उनीविरुद्ध कुनै पनि उजुरी नपरेकाले उनकाे नाम अनुमाेदन भएकाे समितिका सभापति लक्ष्मणलाल कर्णले जानकारी दिए ।
निरालाविरुद्ध उजुरी दिनका लागि समितिले १० दिनको म्याद दिएको थियो । यही पुस ३ गते मन्त्रिपरिषद्को बैठकले निरालालाई परिषद् सदस्यका लागि सिफारिस गरेको थियो ।
अब राष्ट्रपतिले उनलाई नियुक्ति गर्ने कानूनी व्यवस्था छ ।
प्रकाशित मिति: आइतबार, पुस २०, २०७६ ०७:५३
