काठमाडौं । सरकारले आउँदो पुस ४ गतेदेखि संसदको हिउँदे अधिवेशन बोलाउन राष्ट्रपति विद्यादेवी भण्डारीलाई सिफारिस गरेको छ ।
साेमबार साँझ बसेको मन्त्रिपरिषद बैठकले संघीय संसद्को अधिवेशन आगामी पुस ४ गते बोलाउने निर्णय गरेकाे हाे ।
स्रोतका अनुसार संसद्को हिउँदे अधिवेशन बोलाउन प्रधानमन्त्री केपी ओलीले नै प्रस्ताव राखेका थिए ।
आगामी हिउँदे अधिवेशनमा प्रतिनिधिसभाको पहिलो कार्यसूची सभामुखको निर्वाचन छ । तत्कालीन सभामुख कृष्णबहादुर महराले बलात्कार प्रयास आरोप लागेपछि पदबाट राजीनामा दिएपछि सो पद अहिले खाली छ ।
यसबाहेक अधिवेशनमा संविधान संशोधन लगायत धेरै विधेयक पारित गर्ने सरकारको तयारी छ ।यसअघि गत अजोज २ गते संसद्को बर्से अधिवेशन अन्त्य भएको थियो ।
प्रकाशित मिति: मंगलबार, मंसिर २४, २०७६ ०७:३१