काठमाडौं । वाणिज्य, आपूर्ति तथा उपभोक्ता हित संरक्षण विभागको महानिर्देशकमा नेत्रप्रसाद सुवेदी नियुक्त भएका छन् । यसअघि भरतपुर महानगरपालिका प्रमुख प्रशासकीय अधिकृत रहेका सुवेदी विभागमा नियुक्त भएका हुन् ।
सुवेदी २०५२ सालमा केन्द्रीय तथ्यांक विभागका तथ्यांक सहायक हुँदै, शाखा अधिकृत कालीकोट (बर्दिया, अक्तियार दुरुपयोग अनुसन्धान आयोग, राष्ट्रिय योजना आयोग, बाग्लुङ ( उपसचिव), सिरहा, महालेखा नियन्त्रक कार्यालय, सहरी विकास मन्त्रालय, राष्ट्रिय पुननिर्माण प्राधिकरण (सहसचिव) र भरतपुर महानगरपालिकामा (प्रमुख प्रसाशकिय अधिकृत) अनुभव बटुलिसकेका छन् ।
सुवेदीले वाणिज्य तथा अन्तर्राष्ट्रिय व्यापार, सार्वजनिक प्रशासन र विज्ञान विषयमा स्नाकोत्तर डिग्री हासिल गरेका छन् भने उनी त्रिभुवन विश्वविद्यालय अन्तर्गत वाणिज्य तथा अन्तर्राष्ट्रिय व्यापारको स्वर्णपदक विजेता पनि हुन् ।
महानिर्देशक योगेन्द्र गौचनको अवकाशपछि रिक्त ठाउँमा सुवेदी नियुक्त भएका हुन् ।
प्रकाशित मिति: सोमबार, मंसिर २, २०७६ ०८:४३