काठमाडौं । प्रधानमन्त्री केपी शर्मा ओलीले प्रेस सल्लाहकार कुन्दन अर्याललगायत सचिवालयका ६ जनालाई पदमुक्त गरेका छन् ।
प्रधानमन्त्री ओलीले अर्यालसहित जनसम्पर्क सल्लाहकार अच्युत मैनाली, प्रेस संयोजक चेतन अधिकारी तथा सचिवालयमा कार्यरत घनश्याम भट्टराई, कृष्ण पौडेल र कम्प्युटर अपरेटर उदय पोखरेललाई पदबाट हटाएका हुन् । मंसिर १ गतेबाट लागु हुनेगरी उनीहरूकाे राजीनामा स्वीकृत गरेको बालुवाटार स्रोतले जानकारी दियाे ।
प्रधानमन्त्रीले प्रमुख सल्लाहकारमा भने विष्णु रिमाललाई निरन्तरता दिने भएका छन् । हटाइएका ६ जनाबाहेक अन्यले भने निरन्तरता पाउने बताइएकाे छ ।
यसअघि प्रधानमन्त्री ओलीले सचिवालयबाट राजीनामा दिएर मार्गप्रसश्त गर्न निर्देशन दिएका थिए । साेही अनुरूप सबै ११ जनाले राजीनामा दिएका थिए । ११ मध्ये ६ जनालाई बिदा गर्ने मुडमा प्रधानमन्त्री पुगेका थिए ।
प्रकाशित मिति: शुक्रबार, कात्तिक २९, २०७६ ०३:१८