काठमाडौं । धरान उपमहानगरपालिकाको मेयरका लागि २३ जनाको उम्मेद्वारी दर्ता भएको छ । स्थानीय तहकाे उम्मेदवारी मनोनयन दर्ताका लागि तोकिएको समय दिउँसो १ बजेसम्म २३ जनाले उम्मेद्वारी दर्ता गराएका हुन् ।
बुधबार प्रमुख राजनीतिक दल नेकपा, कांग्रेस, समाजवादीलगायतका दलको तर्फबाट १३ र स्वतन्त्रका १० गरी २३ जनाले उमेद्वारी दर्ता गरेको सुनसरीका मुख्य निर्वाचन अधिकृत राधाकृष्ण उप्रेतीले जानकारी दिए।
धरान उपमहानगरपालिकाको रिक्त रहेको मेयर पदका लागि नेकपाका तर्फबाट प्रकाश राईले उमद्वारी दर्ता गराएका छन्। त्यस्तै कांग्रेसका तिलक राईले उम्मेदवारी दर्ता गरेका हुन्। समाजवादीका गजेन्द्रबहादुर लिम्बु, संघीय लिम्बुवान मञ्च नेपालका अमर इजम र साझा पार्टीका राजनकुमार श्रेष्ठले उमेद्वारी दर्ता गराएका छन्।
स्वतन्त्रतर्फ अमृत कुमार राई, मनराज राई, जनार्दन कोइराला, हर्कराज राई, दावा शेर्पा, श्यामकृष्ण भुजेल, विशाल थापा, दिनेश श्रेष्ठ, एलिशा राई, कुमार भट्टराई र रुद्र बस्नेतले उम्मेद्वारी दिएका छन्।
धरान उपमहानरपालिका वडा नम्बर ७ को रिक्त रहेको वडाअध्यक्षका लागि ४ जनाले उम्मेदवारी दर्ता गराएका छन् । नेकपाका जीवनराज सुवेदी, कांग्रेसका सुवर्णमोहन पलिखे, संघीय लिम्बुवान मञ्चकी निता राई, राप्रपाका दिनेश शाक्यले उमेदवारी दर्ता गराएका हुन्।
प्रकाशित मिति: बुधबार, कात्तिक २७, २०७६ १०:०३
