काठमाडौं । स्थानीय तहको रिक्त पदका लागि मंसिर १४ गते हुने उपनिर्वाचनका लागि आज बुधबार मनोनयनपत्र दर्ता हुँदै छ ।
निर्वाचन आयोगको कार्यतालिका अनुसार बिहान १० बजेदेखि १ बजेसम्म उम्मेदवारको मनोनयन दाखिला गर्ने समय छ । १ नगरप्रमुख, ३ गाउँपालिका अध्यक्ष, १ गाउँपालिका उपाध्यक्ष र ४३ वडाध्यक्षका लागि उपनिर्वाचन हुँदै छ ।
उपनिर्वाचनमा १६ नयाँ दर्ता भएका दलसमेत १ सय १ दलले उपनिर्वाचनमा भाग लिँदै छन्। प्रतिनिधिसभा र प्रदेशसभा सदस्यको उपनिर्वाचनका लागि कात्तिक २१ गते नै मनोनयन दर्ता गरी आयोगले उम्मेदवारको नामावली प्रकाशन गरिसकेको छ ।
प्रतिनिधिसभा र प्रदेशसभा सदस्यका उम्मेदवारहरुलाई निर्वाचन आयोगले चुनाव चिह्नसमेत वितरण गरिसकेको छ।
प्रकाशित मिति: बुधबार, कात्तिक २७, २०७६ ०५:५९
