काठमाडाैं । बंगलादेशका राष्ट्रपति मोहम्मद अब्दुल हमिद ४ दिने नेपाल भ्रमणको सिलसिलामा काठमाडौं आइपुगेका छन्। उनी राष्ट्रपछि विद्यादेवी भण्डारीको निमन्त्रणामा नेपाल आएका हुन् । उनी मंगलबार मध्याह्न विशेष उडानबाट त्रिभुवन अन्तर्राष्ट्रिय विमानस्थलमा ओलिएका हुन्।
हमिदलाई त्रिभुवन अन्तर्राष्ट्रिय विमानस्थलमै पुगेर राष्ट्रपति भण्डारीले स्वागत गरिन् । विमानस्थलको अति विशिष्ट कक्षमा भण्डारीले बंलादेशी राष्ट्रपतिलाई स्वागत गरेकी हुन्।त्रिभुवन अन्तर्राष्ट्रिय विमानस्थलको अति विशिष्ट कक्षमा नेपाली सेनाको एक टुकुडीले बंगलादेशका राष्ट्रपतिलाई सम्मान गारथसमेत अर्पण गरेको थियो।
बंगलादेशका राष्ट्रपति हमिदले आज दिउसो साढे ३ बजे भक्तपुर दरबार क्षेत्रको अवलोकन गर्नेछन्। भक्तपुरबाट फर्केपछि उनीसँग साँझ ६ बजे परराष्ट्रमन्त्री प्रदीपकुमार ज्ञवालीले शिष्टाचार भेट गर्ने कार्यक्रम रहेको छ।
भ्रमणका क्रममा उनले राष्ट्रपति भण्डारीसँग राष्ट्रपति कार्यालय, शीतल निवासमा बुधबार अपराह्न भेटवार्ता गर्ने कार्यक्रम छ । राष्ट्रपति भण्डारीले समकक्षी राष्ट्रपति हमिद र उनको प्रतिनिधिमण्डलको सम्मानमा बुधबार साँझ राजकीय भोज आयोजना गर्ने कार्यक्रम छ ।
यसैगरी राष्ट्रपति हमिदसँग उपराष्ट्रपति नन्दबहादुर पुन, प्रधानमन्त्री केपी शर्मा ओली, राष्ट्रिय सभाका अध्यक्ष गणेश तिमिल्सेना, परराष्ट्र मन्त्री प्रदीप ज्ञवाली लगायतले भेटवार्ता गर्ने छन्। त्यस्तै उनले विभिन्न राजनीतिक दलका नेताहरुलाई पनि भेट्ने छन्।
राष्ट्रपति हमिद नेपाल भ्रमण सकेर शुक्रबार अपरान्ह स्वदेश फर्कने कार्यतालिका रहेको राष्ट्रपति कार्यलयले जनाएको छ ।
प्रकाशित मिति: मंगलबार, कात्तिक २६, २०७६ ०८:२५