काठमाडौं । सोमबार बिहान ११ बजेका लागि बाेलाइएकाे संघीय संसद अन्तर्गतकाे राज्य व्यवस्था तथा सुशासन समितिको बैठकमा प्रधानमन्त्री केपी शर्मा ओली अनुपस्थित भएका छन् ।
भारतले जारी गरेको नयाँ राजनीतिक नक्सामा कालापानी क्षेत्र समेटिएकोबारे छलफल गर्न समितिले बैठक आह्वान गरेकाे थियाे ।
बैठकमा प्रधानमन्त्री अनुपस्थित भएपछि सरकारकाे तर्फबाट भूमि व्यवस्था, सहकारी तथा गरिबी निवारणमन्त्री पद्मा अर्यालले विचार व्यक्त गरेकाे बताइएकाे छ । बैठकमा मन्त्री अर्यालले स्वास्थ्य अवस्थाका कारण प्रधानमन्त्री ओली उपस्थित हुन नसकेकाे जानकारी गराएकी थिइन् ।
समितकाे बैठकमा नेकपा अध्यक्ष पुष्पकमल दाहाल प्रचण्ड भने उपस्थित भएका छन् ।
सीमा मिचिएको विषयमा चारैतिर चर्चा भएपछि संसदीय समितिले पनि चासो लिएको हाे । यसअघि प्रधानमन्त्री ओलीले सर्वदलीय, सर्वपक्षीय बैठक बोलाएर गरेकाे छलफलबाट कालापानी-लिपुलेक-लिम्पियाधुरा नेपालकै भूभाग भएकाे निष्कर्ष निकालिसकेको छ ।
प्रकाशित मिति: सोमबार, कात्तिक २५, २०७६ ०६:४९
