काठमाडौं । द्वन्द्वकालीन आयोगका पदाधिकारी टुंग्याउन सत्तारुढ नेकपा र प्रमुख प्रतिपक्षी दल नेपाली कांग्रेस कसरतमा जुटेका छन् । पदाधिकारीबिहिन रहेका सत्य निरुपण तथा मेलमिलाप र बेपत्ता छानबिन आयोगका विषयमा टुंगाे लगाउन भन्दै नेकपा र कांग्रेसका शीर्ष नेतृत्वबीच अहिले प्रधानमन्त्री निवास बालुवाटारमा छलफल भइरहेको छ ।
प्रधानमन्त्री निवास बालुवाटारमा भएको छलफलमा प्रधानमन्त्री केपी शर्मा ओली, नेकपा अध्यक्ष प्रचण्ड, पूर्व सभामुख सुवासचन्द्र नेम्वाङ लगायत शीर्ष तहका नेताहरू छन्।
वैशाखदेखि पदाधिकारीबिहिन रहेका दुवै आयोगमा अहिलेसम्म सिफारिस समितिले पदाधिकारी नियुक्त गर्न सकेको छैन ।
शान्ति प्रक्रियालाई पूर्णता दिन द्वन्दकालमा भएका गम्भीर मानवाधिकार हननका मुद्दाहरू किनारा लगाउनुपर्ने भए पनि दलीय स्वार्थका आधारमा आयोगहरूले पूर्णता पाउन सकिरहेका छैनन् ।
प्रकाशित मिति: सोमबार, कात्तिक ४, २०७६ ०५:५३