काठमाडौं : नेपाल कम्युनिस्ट पार्टी (नेकपा)ले आयोजना गरेको चियापान कार्यक्रममा पुगेका नेपाली काँग्रेसका वरिष्ठ नेता रामचन्द्र पौडेलले प्रतिनिधिसभाका सभामुख वा उपसभामुख पद प्रतिपक्षी दललाई दिनुपर्ने जिकिर गरेका छन् । उनले भने, दुवै पद नेकपाले लिन्छ भने प्रतिवाद हुनेछ।
संविधानले गरेको व्यवस्थाअनुसार सभामुख वा उपसभामुख प्रतिपक्षी दललाई दिनुपर्ने उनको तर्क थियो । नेता पौडेलले संघर्षबाट हासिल गरेको परिवर्तन जोगाउन सँगै बढ्नुपर्ने पनि बताए ।
उनले राजनीतिलाई सैद्धान्तिक बहसमा लैजानुपर्ने पनि धारणा व्यक्त गरे। नेता पौडेलले राजनीतिलाई सिद्धान्त र निष्ठापूर्वक पालन गर्नुपर्ने बताएका थिए। राजनीतिलाई सम्मानित बनाउनुपर्ने भन्दै उनले त्यसमा चुनौती भने रहेकाे बताए ।
प्रकाशित मिति: बुधबार, असोज २९, २०७६ ११:५७
