काठमाडौं । नेपाल भ्रमणमा रहेका चिनियाँ राष्ट्रपति सी जिनपिङ र नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’बीच भेटवार्ता भएको छ ।
राष्ट्रपति सीसँग पुष्पकमल दाहाल प्रचण्डले ३० मिनेट छुट्टै भेटेका हुन् । भेटमा आपसी सम्बन्ध र हितका बारेमा कुरा भएको प्रचण्डको सचिवालयले जनाएको छ ।
नेपाल कम्युनिस्ट पार्टी र चिनियाँ कम्युनिस्ट पार्टीबीच सम्बन्धको लामो आयाम रहेकाले छलफल साेही विषयमा केन्द्रित रहेकाे सचिवालयले जनाएकाे छ ।
अध्यक्ष प्रचण्डसहित नेकपाका सचिवालय सदस्यहरुले सीसँग सामूहिक भेटवार्ता गरेपछि प्रचण्ड र सीबीच एक्लाएक्लै भेट भएको हो ।
सामूहिक भेटमा वरिष्ठ नेता माधवकुमार नेपाल, झलनाथ खनाल, बामदेव गौतम, नारायणकाजी श्रेष्ठ, ईश्वर पोखरेल, रामबहादुर थापा र महासचिव विष्णु पौडेल सहभागी थिए । यस्तै नेकपा नेता एवं परराष्ट्रमन्त्री प्रदीप ज्ञवाली पनि भेटमा सहभागी थिए । भेटमा दुवै देशका कम्युनिष्ट पार्टीकाबीच आपसी सहकार्य र हितका विषयमा कुराकानी भएको छ ।
प्रकाशित मिति: आइतबार, असोज २६, २०७६ ०६:४२