काठमाडाैं । राष्ट्रपति विद्यादेवी भण्डारी र चिनियाँ समकक्षी सी जिनपिङबीच भेटवार्ता भएकाे छ ।
राष्ट्रपति भवन शीतल निवासमा भएकाे भेटवार्तामा नेपाल–चीन सम्बन्धका विविध पक्षमा विचारविमर्श भएकाे छ।
उनीहरुबीच दुई देशबीचको सम्बन्ध, द्विपक्षीय हित, आपसी सहयोग आदानप्रदान लगायतका विषयमा छलफल भएको राष्ट्रपति कार्यालय स्रोतले जनाएको छ।
भेटमा राष्ट्रपति भण्डारीले २३ वर्षपछि चिनियाँ राष्ट्रपतिको नेपाल भ्रमण भएको भन्दै चिनियाँ राष्ट्रपति सीलाई धन्यवाद व्यक्त गरेकी थिइन् । भ्रमणले दुई देशबीचको सम्बन्धलाई अझै सुदृढ बनाउने विश्वास राष्ट्रपति भण्डारीले व्यक्त गरिन् ।
राष्ट्रपति भण्डारीको मैत्रीपूर्ण निमन्त्रणामा राष्ट्रपति सी शनबार अपराह्न नेपालको दुईदिवसीय राजकीय भ्रमणमा यहाँ आइपुगेका हुन्।
प्रकाशित मिति: शनिबार, असोज २५, २०७६ १४:१६
