गृहमन्त्री रामबहादुर थापाले बाँके घटना सत्तारुढ पार्टीले निर्देशनमा नभएको बताएका छन् । तर नेकपाका कार्यकर्ता संलग्न हुने सक्ने उनले स्वीकार गरे । उनले संसदमा स्पष्टीकरण दिदै यस्तो बताएका हुन्, ‘नेकपाका कार्यकर्ता हुनसक्छ तर नेकपाको नीति निर्देशन होइन । सरकारले गम्भिर रुपमा लिएकाे छ भने अभियुक्तहरुलाई पक्राय गरी अनुसन्धान भइरहेकाे छ ।’
यो घटना राजनीतिक रुपमा भएको भन्दा देशभरका स्थानीय तहमा शान्ति सुरक्षामा चुनौती उत्पन्न हुनसक्नेतर्फ गृहमन्त्रीले कांग्रेसको ध्यानाकर्षण गराउदै भने, ‘यो घटनालाई राजनीतिक रुपमा नलिन सम्बद्ध सबैमा अनुरोध गर्न चाहन्छु ।’
उनले घटनालाई सरकारले गम्भीर रुपमा लिएको बताए । केही पक्राउ परिसकेको भन्दै गृहमन्त्रीले दोषीहरुलाई कारबाही गर्ने प्रतिवद्धता जनाएका छन् ।
राष्ट्रिय जागरण अभियान अन्तरगत २६ भदौमा बाँकेको खजुरामा कांग्रेसले आयोजना गरेको कार्यक्रममा नेकपा कार्यकर्ताले आक्रमण गर्दा जिल्ला सभापति किरण कोइरालाको हात भाच्चिएको छ भने अरु केही घाइते भएका छन् ।
प्रकाशित मिति: आइतबार, भदौ २९, २०७६ १८:४३
