काठमाडौं । प्रधानमन्त्री केपी शर्मा ओलीले बहुजातीय, बहुभाषिक, बहुधार्मिक र बहुसांस्कृतिक विशेषता हाम्रो देशका अमूल्य निधि भएको बताएका छन् ।
गौरापर्वको अवसरमा आज एक शुभकामना सन्देश जारी गर्दै प्रधानमन्त्री ओलीले यस्तो बताएका हुन् ।
प्रधानमन्त्री ओलीले देशका विभिन्न भूभागमा बोलिने भाषा र विभिन्न क्षेत्रका संस्कृति, वेषभूषा, रीतिरिवाज र संस्कारले विविधताबीच एकता, आपसी सम्बन्ध र सामाजिक सद्भावको सम्मिलन गराएको उल्लेख गेका छन् ।
‘हाम्रा चाड पर्व जीवन्त अन्तर–सांस्कृतिक अन्तर्घुलनका अनुपम उदाहरण हुन्’, प्रधानमन्त्री ओलीले सन्देशमा भनेका छन्, ‘सद्भाव र एकताको प्रवद्र्धन गर्ने हाम्रा अनेकौं पर्व र साँस्कृतिक अवसरमध्येको एक गौरा पर्वले समस्त नेपाली दिदीबहिनी दाजुभाइबीचको आपसी सद्भावलाई अझ मजबुत बनाउने विश्वास गर्दछु ।’
खासगरी कर्णाली प्रदेश र सुदूरपश्चिम प्रदेशमा मनाइने विशेष हर्ष र उल्लासका साथ मनाइने गौरा पर्व नेपालको एक विशिष्ट पहिचान झल्काउने पर्वको रुपमा परिचित रहेको प्रधानमन्त्री ओलीको सन्देशमा उल्लेख छ ।
प्रकाशित मिति: शुक्रबार, भदौ ६, २०७६ ११:२०
