काठमाडौं: नेपाल कम्युनिष्ट पार्टी (नेकपा) मा सबैभन्दा पेचिलो बनेको स्कूल विभागको नेतृत्व टुंगिएको छ ।
प्रधानमन्त्री निवास बालुवाटारमा शुक्रवार बसेको सचिवालय बैठकले स्कूल विभागको प्रमुख ईश्वर पोखरेललाई बनाएको हो । स्कुल विभाग प्रमुखका लागि पोखरेलसँगै नारायणकाजी श्रेष्ठ, घनश्याम भुसाल, बेदुराम भुसालसहित ८ नेताको दावी थियो ।
त्यसैगरी नेकपाले अरु विभागको पनि टुंगो लगाएको छ । विदेश विभाग प्रमुख माधव नेपाल र उपप्रमुख राम कार्की बनेका छन् ।
साथै नीति अध्ययन प्रतिष्ठानमा झलनाख खनाल र संगठन विभाग प्रमुख वामदेव गौतम बनेका छन् भने गौतमलाई उपाध्यक्षमा समेत चयन गरिएकाे छ ।
प्रचार विभाग प्रमुख जिम्मेवारी नारायणकाजी श्रेष्ठले पाएका छन् । यस्तै अर्थ योजना विभागको जिम्मा सुरेन्द्र पाण्डेलाई दिइएको छ ।
प्रकाशित मिति: शुक्रबार, साउन ३१, २०७६ १९:१३
