काठमाडौं: नेपाल कम्युनिस्ट पार्टीको एकता प्रक्रियालाई पूर्णता दिन बसेको सचिवालय बैठकले ७७ जिल्लाका इन्चार्ज र सहइन्चार्जको टुंगो लगाएको छ ।
त्यस्तै बैठकले ६ वटा महानगरपालिकालाई जिल्लासरहको मान्यता दिँदै महानगरमा समेत इन्चार्ज र सहइन्चार्जको टुंगो लगाएको छ ।
प्रधानमन्त्री निवास बालुवाटारमा बसेको बैठकले पार्टीको केन्द्रीय विभागका प्रमुखको भने टुंगो लगाउन सकेन । विभाग प्रमुखमा तत्कालीन दुई पार्टीका भागमा परेका विभागमै सहमति जुटे्न नसकेपछि सो विषयमा भने सचिवालयले मंगलबार छलफल गर्ने भएको छ ।
७७ जिल्ला इन्चार्जमा तत्कालीन एमालेले ४६ र तत्कालीन माओवादीले ३१ जिल्ला पाइसकेका छन् । पार्टीको केन्द्रीय विभाग प्रमुख, आयाेग र प्रवास संगठनकाेकाे एकतालाई अन्तिम रुप दिन मंगलबार अर्काे बैठक बस्ने भएकाे छ ।
प्रकाशित मिति: आइतबार, साउन ५, २०७६ २०:५१
