काठमाडौं : प्रधानमन्त्री केपी शर्मा ओलीले थापाथलीस्थित परोपकार प्रसूति अस्पतालको उद्घाटन गरेका छन्।
२०७२ सालको भूकम्पमा क्षतिग्रस्त भएको प्रसूति अस्पतालको पुनर्निर्माण सम्पन्न भएसँगै आज प्रधानमन्त्रीले उद्घाटन गरेका हुन्।
यो अस्पताल भूकम्पअघि ४ सय शैय्यामा सञ्चालन भएको थियो तर, भूकम्पले ठूलो क्षति गरेकाले ३ सय शैय्यामा झरेको थियोे ।
अबको नयाँ भवनमा करिब ५ सय शैय्या छन् । भवन जापानी सहयोग नियोग (जाइका) ले बनाइदिएको हो । १४ महिनामा निर्माण सम्पन्न भएको अस्पतालमा सबै किसिमको शल्यक्रिया हुने अस्पतालका निर्देशक डाक्टर जागेश्वर गौतमले बताए ।
प्रकाशित मिति: शुक्रबार, असार २७, २०७६ १९:००
