रौतहटको इलाका प्रशासन कार्यालय चन्द्रनिगाहपुर मार्फत सरकारको बिरोध स्वरुप नेपाल बिद्यार्थी संघले सरकारलाई बिषधीयुक्त तरकारी पठाएको छ । सरकारले बिषाधीयुक्त तरकारी निर्बाधरुपमा भित्रयाउन अनुमति दिएको भन्दै सरकारको बिरुद्धमा नेपाल बिद्यार्थी संघका बिद्यार्थीहरुले इलाका प्रशासन कार्यालय मार्फत सरकारलाइ मंगलबार बिषधीयुक्त तरकारी पठाएको हो ।
ईलाका प्रशासन कार्यालय चन्द्रनिगाहपुरका उपसचिब चेतराज बराललाई मंगलवार नेबिसंघले ज्ञापनपत्र बुझाउदै बिषाधीयुक्त तरकारी र फलफुलको जाँच भएर मात्र भित्रयाउन माग गरिएको छ ।
उक्त ज्ञापनपत्रमा बिषाधीयुक्त तरकारी र फलफुल भित्रयाउदा सम्बृद्ध नेपाल र सुखि नेपालीको कल्पना बिपरित रहने जनाइएको छ । दुई तिहाईको कम्युनिष्ट सरकारको यस्ता जनबिरोधी कार्यको सदैब नेपाल बिद्यार्थी संघले बिरोध गर्दै जनताको जनजीविकासंग प्रत्यक्ष सम्बन्ध राख्ने तरकारीको बिषाधी परिक्षण गरी नागरिकको स्वास्थ्य अनुकुल कार्य गर्न सरकार संग माग गरेको छ ।
नेपाल बिद्यार्थी संघले ईलाका प्रशासन कार्यलय चन्द्रनिगाहपुर मार्फत नेपाल सरकारसमक्ष ज्ञापनपत्र बुझाउदै कल्याणकारी कार्य गर्न अनुरोध गरेको नेबिसंघका पुर्व सदस्य नबराज देबकोटाले जानकारी दिए । ज्ञापनपत्रका हस्ताक्षरकर्तामा नेपाल बिद्यार्थी संघका नीवर्तमान केन्द्रिय सदस्य नवराज देवकोटा र मोहम्मद फिरोज आलम रहेका छन ।
ज्ञापनपत्र बुझाउन रौतहट जिल्ला कार्यसमितिका सदस्य एबम नेबिसंघ रौतटहका नेता सुमन गौतम, श्यामहरी चौलागाई, जन ज्योति बहुमुखी चन्द्रनिगाहपुरका स्ववियु सभापति संगम श्रेष्ठ भीमराज अधिकारी (सुसिल),प्र्रह्लाद मैनाली, अस्विन उपाध्याय, अर्जुन चौधरी लगाएतका बिद्यार्थी नेताहरु गएका थिए । बिद्यार्थीहरुले लौका, फर्सी काउली लगायतका बिभिन्न जातका बिषाधीयुक्त तरकारीहरु बोकेर इलाका प्रशासन कार्यालय चन्द्रनिगाहपुरमा पुगेका थिए ।
प्रकाशित मिति: मंगलबार, असार २४, २०७६ २१:१४