काठमाडाैं : कञ्चनपुरमा नेपाल कम्युनिष्ट पार्टी (नेकपा) र नेपाली काँग्रेसका कार्यकर्ताविच कुटपिट भएकाे छ । काँग्रेसका कार्यकर्ताले खानेपानी मन्त्री बिना मगरलाई कालो झण्डा देखाउन खोज्दा दुवै पार्टीका कार्यकर्ताविच विवाद हुँदा कुटपिट भएकाे जनाइएकाे हाे
बेलौरी र पुनर्वासको नगरसभा उद्धघाटनका लागि जाने क्रममा खानेपानी मन्त्री विना मगरलाई डोकेबजारमा कालो झण्डा देखाउन खोज्दा नेकपाका कार्यकर्ताहरुले कुटपिट गरेका हुन्। नेपाली कांग्रेस क्षेत्र नम्वर १ का सभापती गोपी प्रसाद उपाध्याय, तरुण दलका नेता राम खड्का, नेपाली काग्रेसकै कार्यकर्ता विक्रम चन्द कुटपिटबाट घाईते भएका छन्। घाईते मध्ये चन्दको उपचार सेती अस्पतालमा भईरहेको छ। धनगढी बाट गुण्डा बोलाएर आफुहरुमाथि आक्रमण गर्न लगाएको नेपाली कांग्रेस क्षेत्र नम्वर १ का सभापती उपाध्यायले आरोप लगाए।
नेपाली कांग्रेसका पुर्व क्षेत्रीय सभापती तथा नेपाली कांग्रेसका युवा नेता हरेन्द्र बिष्टका अनुसार मन्त्री मगरले जनताको काममा ध्यान नदिएको भन्दै केहि घण्टा चक्काजामको कार्यक्रम थियो। नेकपाका नेता अनन्त चन्दले भने मन्त्री धनगढी प्रशासनमा बसेको खवर सुनेर नेपाली कांग्रेसका कार्यकर्ताले बाटो अवरुद्ध गर्न खोजेको र नेकपाका कार्यकर्ताले बाटो खोल्दा सामान्य विवाद भएको बताए।
प्रकाशित मिति: मंगलबार, असार १०, २०७६ १९:१४