काठमाण्डाैं - रेशम चौधरीलाई अस्पतालको शय्यामा पनि नेल लगाउने कर्मचारीलाई कारबाही गर्न प्रधानमन्त्री केपी शर्मा ओलीले निर्देशन दिएका छन् ।
वीर अस्पतालमा उपचार गराइरहेका चौधरीलाई अस्पतालकाे ओछ्यानमै फलामे साङ्लोले बाँध्ने कर्मचारीलाई कारबाही गर्न मुख्य सचिव लोकदर्शन रेग्मीलाई प्रधानमन्त्री ओलीले निर्देशन दिएका हुन्
शुक्रबार अस्पतालकाे ओछ्यानमै साङ्लोले बाँधिएको चौधरीको तस्बिर सार्वजनिक भएलगत्तै प्रधानमन्त्रीको ध्यानाकर्षण भएको र शनिबार मुख्यसचिव लोकदर्शन रेग्मीलाई फोन गरेर त्यो काममा संलग्न सबै कर्मचारीलाई कारबाही गर्न निर्देशन दिएको प्रधानमन्त्री ओलीका प्रेस संयोजक चेतन अधिकारीले जानकारी गराए ।
फोक्सो र बोनम्यारोमा समस्या देखिएपछि चाैधरीलाई उपचारका लागि वीर अस्पतालमा उपचार भइरहेकाे छ । उपचारकाे क्रममा अमानवीय व्यवहार गरेकाे भन्दै चर्काे आलाेचना भएपछि प्रधानमन्त्री ओलीले निर्देशन दिएकाे हाे
प्रकाशित मिति: शनिबार, असार ७, २०७६ १६:४१