काठमाडौं : आजको संसद बैठक भोली सम्मका लागि स्थगित भएको छ । प्रमुख प्रतिपक्षी दल नेपाली कांग्रेसको अवरोधका कारण १५ मिनेटका लागि स्थगित प्रतिनिधिसभाको बैठक सूचना टाँस गरेर भोली सम्मको लागि स्थगित भएको हो ।
नेपाली कांग्रेसले आइतबार माइतीघर मण्डलामा गरेको शान्तिपूर्ण प्रर्दशनमा प्रहरी हस्तक्षेपको भत्र्सना गर्दै सो घटनाबारे गृहमन्त्रीले जवाफ नदिए सम्म बैठक अघि नबढ्ने भन्दै प्रमुख प्रतिपक्षी दल नेपाली कांग्रेसले बिरोध जनाएको थियो ।
त्यसपछि सचिवालयले २८ गते बिहान ११ बजे अर्को बैठक बस्ने गरि सूचना टांसेर बैठक स्थगित भएको जनाएको हो । सूचनामा विशेष कारणले बैठक बस्न नसकेको जनाईएको छ ।
प्रकाशित मिति: सोमबार, जेठ २७, २०७६ १७:२१