काठमाडौं : नेपाली राजनीतिका युग पुरुष स्व. गिरिजाप्रसाद कोेइरालबारे तयार पारिएको वृत्तचित्र ‘प्रजातन्त्रका लागि अपहरण’ प्रदर्शन गरिने भएको छ ।
रफत सञ्चार क्लबमा शुक्रबार आयोजित पत्रकार सम्मेलनमा स्व. कोइरालाको राजनीतिक यात्रामा भएको गतिविधिका साथै २०३० सालमा भएको विमान अपहरणबारे जानकारी दिने उद्देश्यका साथ तयार पारिएको वृत्तचित्र बाराही मूभिजमा भोलि आइतबार प्रदर्शन गरिने जानकारी दिइयो ।
गिरिजाप्रसाद कोइराला फाउन्डेसन भक्तपुरले वृत्तचित्र प्रदर्शन गर्ने भएको फाउन्डेसनका अध्यक्ष विदुरमानसिंह बस्नेतले जानकारी दिए । प्रजातन्त्र हासिल गर्दा कस्ता खालको राजनीतिक गतिविधि भए, नेपाली राजनीतिका युग पुरुषको राजनीति जीवन कस्तो थियो भन्ने जानकारी नयाँ पुस्तालाई दिने हेतुका साथ वृत्त चित्र प्रदर्शन गर्ने भएको नेपाल तरुण दलका पूर्वअध्यक्ष एवं युवा नेता विनोद प्रकाश कायस्थले जानकारी दिए ।
प्रकाशित मिति: शनिबार, जेठ २५, २०७६ १२:२८
