काठमाडाैं : नेपाली कांग्रेस कोषाध्यक्ष तथा सांसद सीतादेवी यादवले देश भ्रष्टाचारीहरूको कब्जामा जाँदै गरेकाे बताएकी छिन्ग ।
बिहीबार बसेकाे प्रतिनिधिसभाको बैठकमा बाेल्दै उनले देश भ्रष्टाचार उन्मुख नभई भ्रष्टाचारीको कब्जामा गइरहेको बताइन् । बैठकमा बाेल्दै सांसद यादवले भनिन्, बजेटको पाँच प्रतिशत सांसदको हातमा पुग्ने गरी बजेट कार्यक्रम विस्तार गरिएको छ । तर सांसदको विकासको नाम गरेर व्यक्तिकाे नाममा योजना दिँदा यो देश भ्रष्टाचार उन्मुख नभई भ्रष्टाचारीको कब्जामा गइरहेको अवस्था देखिन्छ ।’
उनले भ्रष्टाचार अन्त्य नभएसम्म विकासको काम हुन नसक्ने समेत बताइन् । उनले भनिन्, ‘जबसम्म भ्रष्टाचार अन्त्य हुँदैन, विकासको काम हुन सक्दैन । विकासको लागि शसक्त अनुगमन गर्न जरूरी छ ।
उनले सांसदको काम, कर्तव्य नीति/निर्माण भएको पनि बताइन् । उनले संसदभित्रै नै विभेद गरिएकाे बताउदै भनिन्, ‘संसदभित्र नै समानुपातिक र प्रत्यक्ष निर्वाचित सांसदहरुलाई विभेद गरिएको छ, यो गलत हो ।’
प्रकाशित मिति: बिहीबार, जेठ २३, २०७६ १७:०५
