काठमाडौं : आज बिहान ९ बजेका लागि बाेलाइएकाे सत्तारुढ नेकपाकाे सचिवालय बैठक स्थगित भएकाे छ ।
बिहान ९ बजे बोलाइएको सचिवालय बैठक दिउँसो १२ बजेसम्मका लागि सारिएकाे छ । अध्यक्ष तथा प्रधानमन्त्री केपी शर्मा ओलीको सरकारी निवास बालुवाटारमा बोलाइएको बैठक नेताहरूको कार्यव्यस्तता भन्दै सारिएको हो ।
कार्यव्यस्तता भने पनि केन्द्रीय सदस्यको कार्यविभाजनका विषयसमा सहमति जुट्न नसकेकाले बैठक सारिएकाे स्राेतले बतायाे । जिल्ला इन्चार्ज र सहइन्चार्जको मापदण्डलाई लिएर नेकपामा कुरा मिलेको छैन ।
आज बस्ने सचिवालय बैठकले याे विषयमा टुंगाे लगाउने बताइएकाे छ ।
बुधबार बसेकाे बैठक पनि एक व्यक्ति एक पद लागू गर्ने कि नगर्ने भन्ने विषयमा शीर्ष नेताहरुबीच मत बाझिएपछि बिनानिष्कर्ष टुंगिएको थियाे । त्यस्तै मंगलबार बसेको बैठक पनि बिनानिष्कर्ष टुंगिएकाे थियाे ।
७७ जिल्लाका इन्चार्ज र सहइन्चार्जको जिम्मेवारी केन्द्रीय सदस्यलाई नै दिन लागिएको विषयमा अध्यक्ष केपी शर्मा ओली र वरिष्ठ नेता माधवकुमार नेपालबीच विवाद रहँदै आएको छ ।
प्रकाशित मिति: बिहीबार, जेठ २३, २०७६ १३:३८
