काठमाडौं : नेपाल कम्युनिस्ट पार्टीको सचिवालय बैठक बुधबार स्थगित भएको छ । ७७ जिल्लाका इन्चार्ज र सह-इन्चार्ज तय गर्न बसेको सचिवालय बैठकमा सहमति नभएपछि स्थगित गरिएको जनाइएको छ ।
पार्टी अध्यक्ष केपी शर्मा ओली र वरिष्ठ नेता माधवकुमार नेपालबीच इन्चार्ज र सह-इन्चार्ज छनोट गर्ने कुरामा विवाद भएपछि बैठक बिनानिष्कर्ष स्थगित भएको स्रोतले जनाएको छ ।
सोमवार ओली र प्रचण्डबीच जिल्ला इन्चार्ज र सहइन्चार्जमा सहमति भएपनि आजको बैठकमा ओली र नेपालबिच कुरा नमिल्दा बैठक स्थगित भएको बताइएको छ । अर्को बैठक भोली बिहान ९ बजे बस्ने स्रोतले खुलाएको छ ।
प्रकाशित मिति: बुधबार, जेठ २२, २०७६ १९:२८
