काठमाडाैं : नेत्रविक्रम चन्द ‘विप्लव’का पोलिटब्युरो सदस्य पदम राई सत्तारूढ नेपाल कम्युनिष्ट पार्टीका (नेकपा) प्रवेश गरेका छन्।
पार्टी कार्यालय धुम्बाराहीमा आइतबार बिहान नेकपा अध्यक्ष पुष्पकमल दाहाल प्रचण्डले राईलाई पार्टी प्रवेश गराएका हुन्। पार्टी प्रवेश कार्यक्रममा नेकपा महासचिव विष्णु पौडेल, गृहमन्त्री रामबहादुर थापालगायत नेताहरू सहभागी थिए।
तत्कालीन नेकपा माओवादीबाट पहिलो संविधान सभामा भोजपुरबाट निर्वाचित भएका राई प्रचण्ड नेतृत्वको सरकारमा भौतिक पूर्वाधार तथा यातायात राज्यमन्त्री बनेका थिए।
पार्टी फुटेसँगै मोहन वैद्यको समूहमा लागेका थिए। पछि उनी विप्लव समूहमा पुगेका थिए।
प्रकाशित मिति: आइतबार, जेठ १९, २०७६ १५:५४