झापा : नेपाल कम्युनिस्ट पार्टी (नेकपा) का वरिष्ठ नेता झलनाथ खनालले आफू पनि मिडिया काउन्सिल विधेयकको विरोधमा उत्रिएका पत्रकारहरुको साथमा रहेको बताएका छन् ।
सोमबार झापाको बिर्तामोडमा आयोजित पत्रकार सम्मेलनमा बाेल्दै नेता खनालले मिडिया काउन्सिलसम्बन्धी विधेयकका प्रावधानप्रति असहमति जनाउँदै पत्रकारले गरिरहेको आन्दोलन गलत नभएको जनाए ।
उनले विधेयक परिमार्जन गरेर मात्रै अगाडि बढाउनुपर्ने जनाउँदै भने, ‘संविधानले प्रेस स्वतन्त्रताको जे परिकल्पना गरेको छ, त्यो परिकल्पनाभन्दा माथि सरकार जान सक्तैन । हामी सरकारलाई त्यसरी हिंड्न दिँदैनौं ।
प्रेस स्वतन्त्रता र सञ्चारकर्मीको योगदानलाई ध्यानमा राखेर विधेयकको सम्बन्धमा संसदमा गम्भीर छलफल हुनुपर्ने उनको भनाइ थियो
प्रकाशित मिति: सोमबार, जेठ ६, २०७६ २१:४२
