काठमाडाैं : नेपाल मजदुर किसान पार्टीका अध्यक्ष नारायणमान बिजुक्छेले भ्रष्टाचारका मुख्य अखडा शीतल निवास, बालुवाटार र सिंहदरबार भएकाे आराेप लगाएका छन् ।
सोमबार भक्तपुरमा आयोजित साक्षात्कारमा बिजुक्छेले भ्रष्टाचारका मुख्य नाइके नेकपा अध्यक्ष पुष्पकमल दाहाल भएकाे बताएका हुन् ।
वर्तमान सरकार नाम मात्रको कम्युनिस्टहरूको भन्दै उनले सरकारले धनी र भ्रष्टाचारीको हितमा मात्रै काम गरिरहेको आरोप लगाए ।
सरकारले संसदमा दर्ता गरेको मिडिया काउन्सिलसम्बन्धी विधेयक गलत रहेको भन्दै उनले यसले नागरिकको अभिव्यक्ति स्वतन्त्रता कुन्ठित गर्ने भएकाले तुरुन्त फिर्ता लिन माग गरे ।
प्रकाशित मिति: सोमबार, जेठ ६, २०७६ २१:३४
