२० वैशाख, काठमाडौँ । आगामी वैशाख ३१ गते हुने पहिलो चरणको स्थानीय तह निर्वाचन अन्तर्गत हिजो मनोनयन दर्ता गरेका उम्मेदवार माथि आज दावी विरोधको समय छुट्याईएको छ । बिहान १० बजेदेखि साँझ ५ बजेसम्म दावी विरोध गर्न सकिने निर्वाचन आयोगले जनाएको छ । भोली उम्मेदवारलाई नाम फिर्ताको समय दिइने छ भने अन्तिम नामावली प्रकाशन गरिनेछ । पर्सी नै आयोगले उम्मेदवारलाई निर्वाचन चिन्ह प्रदान गर्ने कार्यक्रम छ । अन्तिम नामावलीमा परेका उम्मेदवारले बैसाख २८ गतेसम्म प्रचारप्रसारका लागि समय पाउनेछन् । पहिलो चरणमा निर्वाचन हुने २ सय ८३ मध्ये २ सय ७८ स्थानीय तहको उम्मेदवार दर्ताको सूची केन्द्रमा प्राप्त भएको निर्वाचन आयोगले जनाएको छ ।
प्रकाशित मिति: मंगलबार, वैशाख १९, २०७४ १९:१६
