काठमाडौं । चर्चित गायक निमा रुम्बाको स्वरमा रहेको 'पागल प्रेमी टु'गीतको भिडियो युट्युबमा रिलिज हुने भएको छ । अमेरिकाको टेक्सास निबासी आशिष श्रेष्ठले निर्देशन गरेको यो भिडियोमा स्वयं गायक रुम्बा र मिस युनिभर्स नेपाल २०२१ अनिस्का शर्माले अभिनय गरेका छन् ।
यस अघि 'सफर' नामक कथानक सिनेमाको निर्माण गरिसकेका श्रेष्ठ यो भिडियोका निर्माता र सम्पादक पनि हुन् । उनलाई निर्माणमा उज्ज्वल सिंहले साथ दिएका छन् ।
अमेरिकाको बिभिन्न रमणिय स्थानमा छायांकन गरिएको यो भिडियोको गीतमा संगीत स्वयं गायक रुम्बाको र संगीत संयोजन सुनिल बर्देवाको रहेको छ ।
प्रकाशित मिति: शनिबार, असोज २, २०७८ ०७:५८
