काठमाडाैं । निर्देशक जीवन श्रेष्ठ (फिरन्ते अ ट्राभलर) काे काेराेना भाइरसबाट बच्ने उपायसहितकाे जनचेतनामूलक गीत सेभ आवर कन्ट्री फ्रम काेभिड-१९ काे छायांकन तथा सम्पादन कार्य सम्पन्न भएकाे छ ।
साेहिल अन्सारीकाे शब्द तथा रिस्ता अधिकारी बस्नेत, उदेश श्रेष्ठ, रविन महर्जन र विश्व प्रधानकाे स्वर रहेकाे उक्त गीतकाे छायांकन निर्देशक श्रेष्ठले नै गरेका हुन् ।
विश्वव्यापी महामारीकाे रुपमा फैलिएकाे काेराेना भाइरसबाट सुरक्षित रहन जनस्तरमा चेतना फैलाउने उद्देश्यले गीत सार्वजनिक गर्न लागिएकाे निर्देशक श्रेष्ठले जानकारी दिए ।
उनका अनुसार मंगलबार साँझ ५ बजेदेखि ६ बजेसम्म इमेज च्यानलबाट प्रसारण हुने म्युजिक अफ याेर च्वाइस कार्यक्रममार्फत उक्त गीत वर्ल्ड प्रिमियर गरिने छ ।
उक्त गीतकाे म्युजिक भिडियाेसमेत तयार गरिएकाे छ । भिडियाेमा चन्द्रागिरि नगरपालिकाका मेयर घनश्याम गिरी, उपमेयर लिसा नकर्मी, १२ नम्बर वडाध्यक्ष प्रकाश श्रेष्ठ, ८ नम्बर वडाका अध्यक्ष लगायत स्थानीय समाजसेवीकाे पनि अभिनय छ ।
निर्देशक श्रेष्ठका अनुसार ट्राफिक प्रहरी प्रमुख भीम ढकाल तथा नेपाल प्रहरीका एसपी जीवनकुमार श्रेष्ठलगायतकाे पनि अभिनय छ ।
उक्त गीतले समाजमा काेराेना भाइरसविरुद्धकाे अभियानमा महत्वपूर्ण भूमिका निर्वाह गर्ने विश्वास निर्देशक श्रेष्ठकाे छ ।
प्रकाशित मिति: मंगलबार, जेठ २७, २०७७ ०७:१२
