काठमाडौं । ११ वर्षकाे सानै उमेरमा लाइभ दाेहोरीबाट चर्चामा आएकी धादिङकी ११ वर्षीय बालगायिका कमला घिमिरेको पहिलो लोकदोहोरी गीत ‘चिया छानेको’ बुधबार सार्वजनिक भएको छ ।
दोहोरी गीतबाट एकाएक भाइरल बनेकी धादिङकी कमला घिमिरेको स्वरमा रहेको उनको पहिलो म्युजिक भिडियो सार्वजनिक भएको हो । खेम सेन्चुरीको लय तथा रमेश बिजी को उत्कृष्ट शब्द सिर्जनामा तयार भएको गीतको संगीत संयोजन विनोद बाजुरेलीले गरेका हुन् ।
कमला घिमिरेसँगै अमृत सापकोटाले उक्त गीतमा गीतमा आवाज दिएका छन् । कमलाले गाएको पहिलो गीत शुभारम्भ डिजिटल म्युजिक प्रालिको लगानीमा बजारमा आएको हो ।
लोकदोहोरी क्षेत्रमा अहिलेका चर्चित नायक, नायिकाहरु शंकर बिसी, विमल अधिकारी, अन्जली अधिकारी, करिश्मा ढकाल, रिना थापा लगायत कलाकारहरुलाई भिडियोमा देख्न सकिन्छ । शंकर बिसीको निर्देशन रहेको भिडियोको छायांकन भने दुर्गा पौडेल र सुरेश श्रेष्ठले गरेका हुन् ।
भिडियो सम्पादन भने विकास ज्ञवालीले गरेका छन् । भिडियो अहिले निकै भाइरल भएको छ भने चौबिस घण्टा नबित्दै २ नम्बर ट्रेन्डिङमा पुगेको छ ।
प्रकाशित मिति: बिहीबार, कात्तिक २८, २०७६ ०६:३२
