काठमाडौँ । शिक्षा, विज्ञान तथा प्रविधि मन्त्रालयले निशुल्क शिक्षासम्बन्धी ऐनविपरीत कुनै पनि शीर्षकमा विद्यार्थीबाट शुल्क नउठाउन सामुदायिक विद्यालयहरूलाई निर्देशन दिएको छ ।
मन्त्रालयले दाताहरूबाट आर्थिक सहयोग लिने सन्दर्भमा पनि स्थानीय तहको अनुमति लिइ तोकिएको प्रक्रिया पूरा गरेर मात्रै लिन सामुदायिक विद्यालयहरूलाई सूचित गरेको छ ।
गत साउन २६ गते सुर्खेतको वीरेन्द्रनगरस्थित जननमूना माध्यमिक विद्यालयले कक्षा ११ को भर्नाबापत् विद्यार्थीहरूबाट बिना रसिद दुई लाख ७६ हजार ६९० रुपैयाँ असुल गरेको पाइएपछि अख्तियारले छानविन गरिरहेको छ ।
सोही घटनाबारे अख्तियारले प्रेस विज्ञप्ति जारी गरेपछि ध्यानाकर्षणस्वरुप यस्तो निर्देशन दिइएको मन्त्रालयले जनाएको छ ।
हेर्नुहाेस् मन्त्रालयको पत्र
प्रकाशित मिति: आइतबार, भदौ ५, २०७९ १४:२३
