मन्टेश्वरी कटेजमा सरस्वती पूजा

शिक्षा

आजको न्युज बिहीबार, माघ १६, २०७६ ०८:४८

काठमाडौं । काठमाडौं स्वयम्भूस्थित मन्टेश्वरी कटेज प्रि–स्कुलले सरस्वती पूजा भव्य रुपमा मनाएको छ । सरस्वती पूजाको अवसरमा खोलिएको निःशुल्क भर्ना अभियानअन्तर्गत बिहीबार १० जना नयाँ विद्यार्थी भर्ना भएका छन् ।

सन् २०१० मा धनिषा पुन र सिर्जना केसीले सुरु गरेको मन्टेश्वरी विधिबाट पठनपाठन हुने मन्टेश्वरी कटेज प्रि–स्कुलमा हाल ९० जनाभन्दा बढी विद्यार्थी अध्ययनरत छन् ।

स्थापनाको ५ वर्षमै ललितपुरको इमाडोलमा स्कुलको शाखा स्थापना गर्न सफल भएको स्कुलकी संस्थापक तथा स्वयम्भू शाखाकी प्रिन्सिपल धनिसा पुनले जानकारी दिइन् । इमाडोलमा पनि ८० जनाभन्दा बढी विद्यार्थी अध्ययनरत छन् ।

यसैगरी स्कुलमा दक्ष तथा तालिम प्राप्त मन्टेश्वरी शिक्षिकाहरुबाट पढाइ हुने र सुविधासम्पन्न मन्टेश्वरी सामग्रीहरु पनि उपलब्ध भएकाले बालबालिकाहरु रमाएर पढ्ने गरेको इमाडोल शाखाकी प्रिन्सिपल सिर्जना केसीले जानकारी दिइन् ।

स्कुलमा संगीत, नृत्य, योगा तथा ध्यानका कक्षाहरु पनि सञ्चालन गरिँदै आएको छ ।

हेराैं सरस्वती पूजाका केही तस्बिरः