काठमाडौँ । नेपाली बजारमा शुक्रबार सुनको मूल्य ९ सय रुपैयाँले बढेको छ ।
बिहीबार प्रतितोला ८९ हजार रुपैयाँमा कारोबार भएको सुन शुक्रबार ९ सय रुपैयाँले बढेको नेपाल सुनचाँदी व्यवसायी महासंघले जनाएको छ ।
नेपाली बजारमा आज सुन प्रतितोला ८९ हजार ९ सय रुपैयाँमा कारोबार भइरहेको महासंघले जनाएको छ ।
यस्तै बिहीबार ८८ हजार ५५० रुपैयाँमा कारोबार भएको तेजाबी सुन शुक्रबार ८९ हजार ४५० मा खरिद विक्री भइरहेको छ ।
नेपाली बजारमा चाँदीको मूल्य भने स्थिर रहेको छ । आज चाँदी तोलामा १२ सय ८० रुपैयाँमा कारोबार भएको महासंघले जनाएको छ ।
प्रकाशित मिति: शुक्रबार, चैत २७, २०७७ ११:५३
