बन्दुकधारीको गोली प्रहारबाट अमेरिकामा एक नेपालीको ज्यान गएको छ।
अमेरिकाको केन्टकी राज्यको एलिजावेद टाउनमा टी मार्टका सञ्चालकसमेत रहेका लमजुङका सुवास घलेको मृत्यु भएको हो । घटनामा परी प्रयास बानियाँ गम्भीर घाइते भएका छन्।उनको लुवेल अस्पतालमा उपचार भइरहेको छ ।
बिहिबार राति करिब साढे ११ वजे भएको घटनामा एक बन्दुकधारीले घलेको स्टोरमा प्रवेश गरी गोली हानेका थिए।
प्रहरीले गोली चलाउने व्यक्तिलाई नियन्त्रण लिएर घटनाको अनुसन्धान गरिरहेको बताइएको छ।
प्रकाशित मिति: आइतबार, फागुन १२, २०७५ ०७:०९
