चितवन । रत्ननगर ३ स्थित पूर्वपश्चिम राजमार्गको शान्तिचोकमा भएको सवारी दुर्घटनामा खैरहनी नगरपालिकाका वडा नम्बर ५ का वडाध्यक्ष विश्वविजय बस्नेतको उपचारको क्रममा मृत्यु भएको छ ।
तरकारी बोकेको ना ३ च ८९४० नम्बरको बोलेरो भ्यान र खैरहनी नगरपालिकाको बा २ झ १३४४ नम्बरको गाडी एकआपसमा ठक्कर खाँदा गाडीमा सवार भएका बस्नेतको मृत्यु भएको हो ।
आइतबार राति ८ बजे भएको दुर्घटनामा अन्य २ जना गम्भीर घाइते भएका छन् । खैरहनी नगरपालिकाका वडा नम्बर ४ का वडाध्यक्ष नरेन्द्र अधिकारी र गाडी चालक राजकुमार अधिकारी घाइते भएका हुन् । घाइतेको चितवन मेडिकल कलेजमा उपचार भइरहेको प्रहरीले जनाएको छ । बोलेरो भ्यानको गाडी चालक फरार रहेको प्रहरीले जनाएको छ ।
प्रकाशित मिति: आइतबार, फागुन ६, २०७४
-1732776560.jpg)
