काठमाडौँ । नवनियुक्त जनसंख्या तथा वातावरण मन्त्री लालबाबु पण्डितले वातावरण सुधारको कामलार्इ जनताले अनुभूति गर्ने गरी गर्ने प्रतिवद्धता जनाएका छन् ।
नेपाल वातावरण पत्रकार समूहको ‘पानी सञ्चार अभियान’ को शुभारम्भका अवसरमा आज उनले राजधानीलगायत मुलुकका अन्य भागमा पर्यावरण र वातावरण बिगार्नेलाई दण्डित गर्न प्रतिबद्ध भएर लाग्ने बताए । उनले दीर्घकालीन रुपमा वातावरण बिगार्न भूमिका खेल्नेलार्इ कारवाही गरेर छाड्ने बताए ।
राजधानी काठमाडौँसहितका क्षेत्रमा भएको वातावरणीय क्षतिलाई आमजनताले अनुभूति गर्नेगरी न्यूनीकरण गरिने उनको प्रतिवद्धता थियो ।
वातावरणका क्षेत्रमा काम गर्दा ज्यान जोखिममा पर्ला, संगठित गिरोहले काम गर्न नदेला भनेर म चुप लागेर बस्दिनँ, काम गर्न आएको छु, हिम्मत लिएर आएको छु, उनले भने ।
प्रकाशित मिति: शनिबार, फागुन ५, २०७४
-1732776560.jpg)
