रुपन्देही । जिल्लाको बुटवल संगमपथस्थित युनाइटेड प्लास्टिक इन्डस्ट्रिज प्रालिको गोदाममा आगलागी भएको छ । अागलागिबाट उद्योगको २ करोड बराबरको क्षति भएको छ ।
आगलागीका कारण गोदाममा भण्डार गरिएको प्लास्टिकका सामान जलेर नस्ट भएका छन् । आगलागीबाट २ करोड बराबरको क्षति भएको सन्चालक जीवन गौतमले दाबी गरेका छन् ।
आगो नियन्त्रणमा लिनका लागि ६ वटा दमकल प्रयोग गरिएको थियो । आगो निभाउन बुटवल उपमहानगरपालिका सहित भैरहवा सिद्धार्थनगर, परासी, रामग्राम र कपिलवस्तुको वाणगंगा, र कपिलवबस्तु नगरपालिकाको दमकल प्रयोग भएका थिए ।
आगो कसरि लाग्यो भन्ने अझै खुलेको छैन । पसल संचालनमा रहेको सो घरमा साझको समयमा मान्छे नबस्ने भएकाले पनि आगो फैलिईसकेपछि मात्र थाहा भएको थियो ।
यसैबिच बुटवल उपमहानगरपालिकाका मेयर शिव सुवेदीले आज बिहान घटनास्थलको अवलोकन गरेका छन । घटना प्रति दुख ब्यक्त गर्दै मेयर सुवेदीले आगलगिबाट भएको क्षतीको बारेमा पनि जानकारी लिए ।
सुवेदीले सो ईन्टरप्राईजेजका संचालक जिवन गौतमलाई भेटि क्षतीपुर्ती र बिमा रकम उपलब्ध गराउन आफुले सहयोग गर्ने आश्वासन दिए ।
प्रकाशित मिति: मंगलबार, फागुन १, २०७४
-1732776560.jpg)
