२७ कात्तिक, नुवाकोट । आसन्न प्रतिनिधि सभा र प्रदेश सभा निर्बाचनको लागी नुवाकोटमा बाम गठबन्धन र लोकतान्त्रिक गठबन्धनका उम्मेदवारहरु चुनावी प्रचारमा जुटेका छन् । निर्बाचन मिति नजिकिएसँगै गठबन्धनका उम्मेद्धवारहरुले मतदाताहरुको घरदैलो अभियान र भेटघाटका कार्यक्रमहरुलार्य तिब्र बनाई रहेका छन् । नुवाकोटमा २ निर्बाचन क्षेत्र र ४ प्रदेश सभा रहेको छ । नुवाकोटका दुवै निर्वाचन क्षेत्रमा लोकतान्त्रिक र बाम गठबन्धन दुवैले आफूहरु विजयीको नजिक पुगेको दावी गर्दै आएका छन् ।
बाम गठबन्धनको क्षेत्र नं. १ को चौघडा र लिखु मैदानमा आज चुनावी कार्यक्रम सम्पन्न भएको छ । कार्यक्रममा बोल्दै प्रतिनिधिसभाका उम्मेदवार हितबहादुर तामाङले कम्युनिष्टहरुलाई फुटाएर, नुवाकोटवासीलाई झुटको राजनीतिक गरेर फेरी पनि निर्वाचन जितिन्छ भन्ने परिकल्पना त्याग्न नेपाली कांग्रेसका उम्मेदवारहरुलाई आग्रह गरे । कार्यक्रममा बोल्दै प्रदेशसभाका उम्मेदवार राधिका तामाङले नुवाकोट कांग्रेसमा मौलाउँदै गएको बंश राजनीतिको अन्त्य गर्नको लागि सबै एक जुट हुनुपर्ने बेला आएको धारणा राख्नुभयो । उहाँले देशको समृद्धि, आर्थिक विकास र संविधानको पूर्ण कार्यान्वयनको लागि बाम गठबन्धनका उम्मेदवारहरुलाई जिताउन सबै नुवाकोटवासीमा आग्रह गर्नुभयो ।
चौघडामा भएको कार्यक्रममा बोल्दै नेकपा एमाले नुवाकोटका उपाध्यक्ष एवं प्रदेशसभाका उम्मेदवार बद्री मैनालीले गरिव र निमुखा नागरिकहरुको पक्षमा काम गर्दै आएका कम्युनिष्टहरुको जीतलाई अव कसैले रोक्न नसक्ने बताउँदै कम्युनिष्टहरुले सत्ता चलाएको छोटो समयमा देशमा समृद्धिको नयाँ रेखा कोरिएको बताउनुभयो । उहाँले नेपाली कांग्रेसका उम्मेदवारहरुले नुवाकोटबाट जितेर लामो समय महत्वपूर्ण मन्त्रालय सम्हालेपनि नुवाकोटले विकासमा गति लिन नसकेको बताउनुभयो ।
यता, क्षेत्र नंं २ का उम्मेदवार नारायणप्रसाद खतिवडाले आज बेलकोटगढी वडा नं. ७ रातमाटेका मतदाताहरुसँग भेटघाट गर्नुभएको छ । उहाँले आजै विदुर नगरपालिका वडा नं. १२ कल्याणपुरमा भेटघाट तथा चुनावी कार्यक्रममा सहभागी बन्नुभएको छ ।
प्रकाशित मिति: आइतबार, कात्तिक २६, २०७४
-1732776560.jpg)
