काठमाडौँ । नक्कली भुटानी शरणार्थी प्रकरणमा पक्राउ परेका नेपाली कांग्रेसका नेता तथा पूर्वगृहमन्त्री बालकृष्ण खाँणको आज देखि बयान लिइने भएको छ।
बुधबार बिहान मैजुबहालस्थित निवासबाट खाँणलाई प्रहरीले पक्राउ गरेको थियो । खाँणसँगै प्रहरीले उनका स्वकीय सचिव नरेन्द्र केसीलाई पनि पक्राउ गरेको थियो ।
काठमाडौँ जिल्ला अदालतले खाँणलाई ३ दिन हिरासतमा राख्न अनुमति दिएको छ। आज (बिहीबार) उनलाई सरकारी वकिल कार्यालय काठमाडौँमा बयान लिने तयारी भएको जनाइएको छ ।
प्रकाशित मिति: बिहीबार, वैशाख २८, २०८०