काठमाडौं : ‘लिटिल मिस हेरिटेज नेपाल २०१९’ का १६ प्रतियोगीले सांस्कृतिक परेड प्रस्तुत गरेका छन् । उनीहरूले विभिन्न जातजातिका वेशभूषामा सजिएर वसन्तपुर डबलीमा सांस्कृतिक परेड गरेका हुन् ।
देशको कला संस्कृति र वेशभूषा आन्तरिक तथा बाह्य पर्यटकलाई अवलोक गराउँदै सम्पदाको जगेर्ना गर्न सन्देश फैलाउने उद्देश्य सांस्कृतिक परेडको रहेको आयोजक जेनिथ इन्टरटेनमेन्टका सिइओ विक्रमसिंह मैनालीले जानकारी दिए ।
सो अवसरमा प्रतियोगीले सम्पदा जोगाउन सन्देश दिने प्लेकार्डसमेत बोकेका थिए । ‘लिटिल मिस हेरिटेज २०१८’ का जुनियर तथा सिनियर विजेता प्रशंसा रायमाझी, सारिका प्रजापतिले परेडको संयोजन गरेका थिए ।
‘परिवर्तनका लागि जेनिथ’ भन्ने मूल नाराका साथ कलिला मस्तिष्कहरूमा सकारात्मक विकास गराई उनीहरूको व्यक्तित्व विकास र आत्मविश्वास अभिवृद्धि गर्दै मिडिया, समाज र मुलुकका लागि कुशल नेतृत्वदायी व्यक्तित्व उत्पादन गर्न प्रतियोगिता आयोजना गरिएको जेनिथ इन्टरटेनमेन्टका कार्यकारी निर्देशक प्रमोद केसीले बताए ।
आगामी बुधबार जावलाखेलस्थित देव हलमा अन्तिम स्पर्धा हुने प्रतियोगितामा विभिन्न संस्कृतिक तामझामका साथ विजेता छानिन्छन् । कार्यक्रममा शीर्षसहित विभिन्न उप–शीर्षकमा समेत विजेता छानिने आयोजकले जनाएको छ ।
.jpg)
.jpg)
.jpg)
.jpg)
प्रकाशित मिति: आइतबार, वैशाख १५, २०७६ २३:०५
