काठमाडाैं : बलिउड अभिनेता सनी देवल भाजपा प्रवेश गरेका छन् । सनी देवलले केन्द्रीय मन्त्री पीयूष गोयल र निर्मला सीतारमणको उपस्थितिमा भाजपा पार्टीको सदस्यता लिए । उनी गुरदासपुर सीटबाट चुनावमा उठ्न सक्ने सम्भावना छ।
केही दिन अघि भाजपा अध्यक्ष अमित शाह सनी देवललाई मनाउन उनको निवास पुगेका थिए । अमृतसर लोकसभा सीटबाट कुनै वजनदार उम्मेदवारलाई मैदानमा उतार्न भाजपाको तयारी छ । सोही अनुसार भाजपा राष्ट्रिय अध्यक्ष अमित शाह सनी देवललाई मनाउन देवल निवास पुगेका थिए।
उनीहरुबिच भएको बैठकको अनुसार नै देवल भाजपा प्रवेश गरेका हुन् । भाजपा सनीलाई अमृतसरबाट उम्मेदवार बनाउने प्रयासमा छ ।
प्रकाशित मिति: मंगलबार, वैशाख १०, २०७६ १७:३६
